របៀបធ្វើលិខិតថ្កោលទោស មានវីដេអូ 👇🏻👌

ចង់ធ្វើលិខិតថ្កោលទោស ទៅធ្វើតាមនេះទៅ ​១. ទីតាំង និងរបៀបធ្វើ ​ការធ្វើដោយផ្ទាល់៖ លោកអ្នកត្រូវអញ្ជើញទៅកាន់ នាយកដ្ឋានកិច្ចការថ្កោលទោស នៃ ក្រសួងយុត្តិធម៌ ដែលមានទីតាំងស្ថិតនៅលើមហាវិថីសម្តេចសុធារស សង្កាត់ចតុមុខ ខណ្ឌដូនពេញ រាជធានីភ្នំពេញ (ជិតព្រះបរមរាជវាំង)។ ​ការធ្វើតាមប្រព័ន្ធអនឡាញ (ឌីជីថល)៖ ដើម្បីចំណេញពេលវេលា លោកអ្នកអាចបំពេញបែបបទស្នើសុំពីចម្ងាយតាមរយៈគេហទំព័រផ្លូវការរបស់ក្រសួងយុត្តិធម៌ cr.moj.gov.kh ឬតាមរយៈកម្មវិធីទូរស័ព្ទដៃឈ្មោះ CR-MOJ (អាចទាញយកបានទាំងនៅលើ App Store និង Play Store)។ បន្ទាប់ពីបំពេញឯកសារតាមប្រព័ន្ធរួចរាល់ លោកអ្នកគ្រាន់តែអញ្ជើញទៅក្រសួងយុត្តិធម៌ ដើម្បីផ្តិតមេដៃ និងបង់ប្រាក់ផ្ទាល់ជាការស្រេច។ បច្ចុប្បន្ន ក៏មានសេវាកម្មដឹកជញ្ជូនលិខិតថ្កោលទោសដល់ផ្ទះតាមរយៈប្រៃសណីយ៍កម្ពុជាផងដែរ។ ចង់ធ្វើលិខិតថ្កោលទោស ទៅធ្វើតាមនេះទៅ

​២. តម្លៃសេវាកម្ម និងរយៈពេល ​ផ្អែកតាមព័ត៌មានទូទៅរបស់ក្រសួង តម្លៃសេវាមានការបែងចែកដូចខាងក្រោម (សុពលភាពនៃលិខិតគឺ ៣ខែ ដូចគ្នា)៖ ​សម្រាប់ប្រជាពលរដ្ឋទូទៅ៖ ​សេវាធម្មតា៖ តម្លៃ ៣០,០០០ រៀល (ចំណាយពេលប្រមាណ ២០ ថ្ងៃធ្វើការ) ​សម្រាប់សិស្ស និងនិស្សិត (តម្រូវឲ្យមានកាតសិស្ស/និស្សិតដែលនៅមានសុពលភាព)៖ ​សេវាធម្មតា៖ តម្លៃ ១០,០០០ រៀល (ចំណាយពេលប្រមាណ ២០ ថ្ងៃធ្វើការ) ​លោកអ្នកអាចឆែកមើលតម្លៃជាក់លាក់នៅក្នុងកម្មវិធី CR-MOJ ផ្ទាល់ ឬសាកសួរមន្ត្រីនៅបញ្ជរក្រសួងយុត្តិធម៌នៅពេលទៅដល់ទីនោះ។ ​ឯកសារសំខាន់ៗដែលត្រូវភ្ជាប់ទៅជាមួយជាទូទៅមានដូចជា៖ អត្តសញ្ញាណប័ណ្ណសញ្ជាតិខ្មែរ (ឬលិខិតឆ្លងដែន), សេចក្តីចម្លងសំបុត្រកំណើត, និងសៀវភៅគ្រួសារ ឬសៀវភៅស្នាក់នៅ (ថតចម្លង)។